ESS gisubhan dayon og daog

CEBU, Philippines - Mihimo'g maayong lakang ang Enforcement Security Service (ESS) pinangulohan ni Boodie Monteño pinaagi sa pagkuha sa serbisyo nilang Ramil Aniñon ug Kenneth Maningo kinsa maoy nagtimon sa ilang kadaugan batok sa Alin Brokers, 79-68 kaniadtong Huwebes atol sa pagbukas sa 2nd BOC-CIPU basketball tournament didto sa barangay Tejero gym, ning dakbayan.

Gipamatud-an kini nilang Aniñon ug Maningo ang kanhi scoring tandem sa Kentkyle Cuisine kinsa maoy nangu sa opensa sa ESS pinaagi sa ilang 20 ug 14 puntos matag usa. Ang ikatulong player nga miamot og double figures mao ang big man nga si Jan Mose sa iyang 10 puntos.

Ang team owner sa Alin Brokers nga si Israel Alin mihipos og 14 puntos samtang si Ryan Villomo midugang og 12 puntos.

Igo lang mi-iskor og sayis puntos si Monteño ug dili na siya mapugos og paningkamot alang sa ESS tungod kay aduna na siya'y lehitimong timbang sa backcourt isip point guard.

Sa laing duwa, gisugat sab og impresibong kadaugan ang hinugpong nga kusog sa Petracorta-Rollway Brokers diin wala kapugngi ang beteranong sentro nga si Takloy Moral kinsa mikabkab og 28 puntos batok sa Global atol sa ilang 100-79 nga kadaugan.

Laing tulo ka player sa Petracorta-Rollyway ang mibahug sab og double figures.

Si Joshua Plando maoy nangu sa Global sa iyang 18 puntos. Ang Global usa ka bag-ong team nga gipanag-iya ni Erwin Diaz.

Puntos matag usa:

First Game:

ESS (79) —  Aniñon 20, Maningo 14, Mose 10, Monteño 6, Cañete 6, Yu 6, Abayon 6, Oyao 4, Dela Cruz 2, Mabalo 2, Regidor 2, Gacilos 2, Gabica 2.

Alin Brokers (68) —   Alin 14, Villomo 12, Barral 11, Estorgio 7, Lleve 6, Nudalo 6, Desucatan 4,Javellana 4, Gresos 3, Tradio 2.

Second Game:

Petracorta-Rollway (100)—     Moral 28, Traona 16, Palero 13, Villaronza 12, Olloyes 6, Solidarios  6, M. Petracorta 6, Generalao 4, Sagario 3, Manlosa 2

Global (79)—    Plando 18, Cedeño 17, Jadroque 16, Manulat 16, Dinolang 6, Pastoran 5, Caynila 4, Banghal 3, Castro 3. (BANAT NEWS)