Ensayo ni Nonito himoon sa pinas
CEBU, Philippines - Dinhi sa Pilipinas mupahigayon sa iyang training si kanhi four-division world champion alang sa umaabot niyang sangka batok ni WBA/IBO featherweight king Simpiwe Vetyeka sa Mayo 31 didto sa The Venetian Hotel and Casino sa Macau.
Ang amahan ni Donaire nga si Nonito Sr. miingon nga sa Manila sila mag-training aron mas duol sila sa binyu sa away.
Si Donaire magsugod sa iyang training camp didto sa Elorde Gym human sa tinuig nga Gabriel 'Flash' Elorde Awards didto sa kaulohan sa Marso 22 diin usa siya sa mga awardee.
"Nonito has already started light training in California. He would have a lot sparring in Manila as preparation for the fight," matud pa ni Donaire Sr. sa boxingscene.com.
Ang amahan ni Donaire nagkanayon nga grabe ang ilang himuong pagpangandam sa maong sangka ilabi na nga daghan ang mihulagway ni Vetyeka nga usa ka lig-on nga 126 lbs. fighter.
Ang 31-anyos nga si Donaire, kinsa nagtinguha sa iyang ikalimang world title sa lima ka managlahing dibisyon nagbitbit og 32-2, 21KOs record, samtang si Vetyeka adunay 26-2, 16KOs. (BANAT NEWS)
- Latest
