Ateneo magpipilit makatabla sa serye, korona kukunin ng La Salle vs Ateneo

MANILA, Philippines - Ang pagkakaroon ng ma­garbong selebrasyon sa La Salle ang nais gawin ng La­dy Archers sa pagharap sa karibal na Ateneo Lady Eagles sa UAAP women’s volleyball Finals ngayon sa Mall of Asia Arena sa Pa­say City.

Kinuha ang  25-14, 25-20, 19-25, 26-24 panalo no­ong Miyerkules, kaila­ngan na lamang ng Lady Archers na manalo para  ma­kumpleto ang kanilang ina­asam na ‘four-peat’ sa UAAP.

Alam ni La Salle head coach Ramil de Jesus na hindi magiging madali na ta­pusin ang laban dahil determinado ang Lady Eagles na makapuwersa ng ‘sudden death’.

“Kailangan ko rin na ta­patan ang gagawin ng Thai coach  nila. Kailangan talagang magpursigi at kapitan na ito,” pahayag ni De Jesus na hanap ang kanyang ika-siyam na titulo sa liga.

Ang mga beteranong si­na Ara Galang, Mika Reyes, Abi Maraño at Kim Fajardo ang mga huhugutan ni De Jesus ng lakas dahil bihasa na sila sa ganitong labanan.

Nananalig din siya na ga­gana ang serve game nila na sa huling labanan ay nagkaroon lamang ng apat na puntos.

Tiyak namang totodo sa paglalaro si Alyssa Valdez pa­ra magpatuloy ang laban ng Ateneo na makakuha ng titulo matapos ang magka­sunod na pangalawang pu­westong pagtatapos sa liga.

May 15 puntos si Valdez sa huling laban at alam niya na dapat pa niyang itaas ang kalidad ng paglalaro pa­ra magbigay pa ng inspirasyon sa mga kakampi.

Ang pagkaka-check kay Valdez ay nagresulta rin sa mahinang kontribusyon ni­na Jorella Marie De Jesus at Amy Ahomiro na tumapos lamang taglay ang tig-siyam na puntos.

Dapat ding mabawasan ang kanilang errors na sa hu­ling tagisan ay pumalo sa 38.

Ngunit ang mahalagang bagay sa posibleng ikakapa­nalo ng Lady Eagles ay ang kondisyon ng liberong si Dennise Michelle Lazaro.

Sasabak sa aksyon nga­yon si Lazaro pero dapat na gumaling ang kanyang left sprain ankle para pamu­nuan ang depensa ng koponan.

Nakita ang kahalagahan ni Lazaro sa huling laro dahil kinailangan siyang ilabas sa first set at hindi ibinalik sa se­­cond set kaya nakalayo kaagad ang La Salle. sa 2-0 bentahe kontra sa Ateneo (ATan)