CIS swimmers misidlak sa age-group meet

CEBU, Philippines -  Gipakita sa host Cebu International School (CIS) nga aduna sab sila'y potensyal swimmers dihang ilang nadaog ang overall championship sa 1st Cebu International School Age-Group Invitational Swim Meet sa miaging adlaw.

 Ang CIS swimming team ni coach Loveleneil Casidsid, ang champion triathlete, adunay kinatibuk-ang 682 puntos aron maghari

sa usa ka adlaw nga kompetisyon.

 Nagsunod alang sa ikaduha ang Narwhal Swimming Club  nga mikolekta og 537 puntos ug dayon sa Sacred Heart School-

Ateneo de Cebu (SHS-AdC) nga mipupo'g 428 puntos.

 Nasulod sa top six finishers mao ang Bright Academy nga adunay 133 puntos,  Pool Pirates sa ilang 32 puntos ug Team A2Z

nga mihipos og 25 puntos.

 Nangulo sa kadaugan sa CIS mao sila si Thalia Leonard ug Cassandra Marie Marquis nga adunay tag-upat ka golds ug Kevin

De Keijzer nga mikabkab og tulo ka bulawan.

 Sila si Nick Kwon, Sandra Abderhalden ug Michelle Coyle mikubkob og duha ka bulawan matag usa, samtang sila si Hector

Feliu, Phil June Choi, Bjorn Crossman, Kristen Pickett  ug Phoebe Bell adunay tag-usa ka bulawan.

 Ang CIS nimina sab og unom ka bulawan sa relay event uban ang usa ka silver ug tulo ka bronze medals.

 Lain pang mitunol og medalya alang sa CIS mao silang Nina Jordan (2 silvers), Kazanosuko Sano   (1 silver ug 1  bronze), Lena

Berge, Julian Forst ug Aya Nagano nga adunay tag-usa ka silver, Phoebe Leonard (3 bronzes), Kim Sunghoon (2 bronzes) ug Ella Stevens,

Hiromi Miyazaki ug Jihyun Lee nga adunay usa ka bronze matag usa.

 Sa laing bahin sila si Alexander Galo ug Randolf Cabaron mikabkab og tulo ka bulawan alang sa Narwhal. Sila si Marben Abique

ug Honey Ambalaong midugang og upat ka bulawan, samtang silang Quinten Sabalande, Navane Amorin ug Lordave Velos adunay tag-

usa ka gold. (BANAT NEWS)