32nd SAC-SMB awards plansado na

CEBU, Philippines -  Mga Sugbuanong atleta, kinsa  nakahatag og dungog sa international ug national competitions, pormal nga pasidunggan atol sa 32nd Sportswriters Association of Cebu-San Miguel Beer  (SAC-SMB) Awards sa Marso 26 diha sa Ayala Activity Center.

 Makadawat og major awards o labing menos citation ang mga atleta nga midaog og medalya sa international competition ug

gold medal sa national competition.

 Matud pa ni SAC president Rico Navarro hapit tanang sports events duna gyu'y awardee.

 Napili na sab ang Athlete of the Year, Sportsman of the Year, Presidential awardee ug ang Orlacsan (Orlando C. Sanchez) award,

apan dili pa kini ikabutyag aron paghatag og kahinam ngadto sa mga hintungdang mga awardees.

 Duna say ihatag nga posthumous award ngadto kang chess National Master Roger Abella ug kang Alfonso 'Ponsoy' Cañizares,

usa sa tag-iya sa Baseline Restaurant agi’g pag-ila sa ilang natampo sa sports dinhi sa Sugbu.

 Si San Mig Coffee Mixers head coach Tim Cone o di ba si sports analyst ug Philippine Star sports columnist Quinito Henson

ang pinasidunggang dinapit ug mamumulong sa maong kalihukan. (BANAT NEWS)