Servania pinatulog si Muñoz sa 12th round
MANILA, Philippines - Binuksan ni Genesis “Azukal†Servania ang pintuan para sa posibleng pagsalang sa world title bago matapos ang taon nang kanyang patulugin ang dating world champion na si Alexander “El Explosivo†Muñoz ng VeÂneÂzuela sa tagisang ginawa noong Sabado ng gabi sa Solaire Resort and Casino sa Parañaque City.
Putok ang kaliwang kilay ni Servania bunga ng accidental headbutt ngunit ito lamang ang sakit na naibigay ng beteranong si Muñoz na tunay na binugbog ng batang katunggali.
Humalik sa lona si Muñoz sa ikalawa, ikapito at sa huling 12th round at ang tuluyang nagpabagsak sa kanya ay ang magandang kaliwa na nasundan ng matinding kanan.
Nakatayo pa si Muñoz bago natapos ang 10-count ni referee Danrex Tapdasan pero malambot na ang mga tuhod ng challenger para tapusin ang laban sa 2:22 ng huling round.
Ito ang ika-24 sunod na panalo at 10KOs ni Servania at pinahanga niya ang handlers ng ALA Promotions na siyang naghandog sa Pinoy Pride XXIV.
“He will be ready if there would be an opportunity for a world title fight,†wika ni ALA Promotion vice president Dennis Canete.
Napanatili ng 22-anyos na si Servania ang hawak na WBO Inter-Continental super bantamweight title.
Tinalo sa pamamagitan ng unanimous decision ni Villanueva si Fernando Aguilar ng Mexico City habang first round knockout ang naitala ni Pagara kay Isack Junior ng Indonesia sa iba pang mga laro.
- Latest
