Gibaharan

ParaÑaque City , Philippines   â€“  Bugtong misyon ni kanhi two-time world champion Alexander 'El Explosivo' Muñoz (36-5, 28KOs) mao ang pagbabag sa dalan ni Genesis Servania (23-0, 9KOs) paingon sa gidamgong  world title shot.

 Nanganti si Muñoz  nga iyang patilawon og sakit nga kapildihan ngadto sa walay pildeng boksidor gikan sa nabantog nga ALA Boxing Gym   nga nagbasi sa Sugbu.

 Si Muñoz (36-5, 28KOs) mohagit ni defending champion Servania (23-0, 9KOs) alang sa WBO Intercontinental super bantamweight belt sa main event sa "Pinoy Pride XXIV:  The  Future is Now" boxing extravaganza karong Sabado sa gabii didto sa Solaire Resort and Casino sa Manila.

 "I came here with only one thing in my mind and that is to win,"  matud pa ni Muñoz atol sa final press conference kagahapon didto sa Eclipse Bar.

 "I am not called 'explosivo' for nothing. I got two strong hands, the left and the right and I know knockout will come to Servania."

 Si Muñoz, 35-anyos, miisip sa iyang kaugalingon nga usa ka eksperyensyadong boksidor  nga maoy makabentaha kaniya  batok  ni Servania.

 "I fought many world champions and I put up a good fight against them, win or lose. I respect Servania because he is a great fighter but I am confident that I can get this win,"  dugang pa niya.

 "I am going to win this for my country (Venezuela) who is now experience a lot of bad things."

  Nakasangka na ni Muñoz  ang mga elite boxers sama nila ni Japanese champion Koki Kameda, Eiji Kojima, Nabuo Nashiro ug Mexican star Cristian Mijares.

 Bisan pa niini, si Servania wala malisang ug mibasura sa pangangkon  nga kadaugan ni Muñoz. 

 "Ako lang masulti nga nag-train ko og maayo didto sa US ug Mexico, kun moingon siya nga iya kong pildihon, ato lang tan-awon babaw sa ring," matud pa  ni Servania.

 Sa supporting bouts,   ang unbeaten super bantamweight prospect nga si 'Prince' Albert Pagara (18-0, 12KOs) makigharong ni  Isack Junior  (22-4, 8KOs) sa Indonesia, samtang si WBO International super flyweight champ 'King' Arthur Villanueva  (24-0, 14KOs) mosukod sa kaisog sa last minute replacement nga si Fernando 'Enano' Aguilar (9-6, 1KO) sa Mexico sa usa ka 10-round non-title bout.

 Lain pang mopakita sa ilang abilidad mao ang duha ka undefeated boxers nga silang Mark 'Magnifico' Magsayo (4-0, 3KOs) ug Melvin 'Top Gun' Gumban (15-0, 7KOs) batok nilang Roy-Roy Sumugat (9-9, 5KOs) ug Dino Lelis (10-11, 5KOs). (BANAT PALARO)