Gullas Residence mikampiyon

CEBU, Philippines -  Miiskor og 68-58 nga kadaugan ang Gullas Residence  human ilang gipilde ang  KEPCO, 68-58 aron langkaton ang korona sa Lancers Security Agency basketball tournament sa miaging adlaw didto sa University of the  Visayas (UV) gym.

 Sa sayo pa, ang Lancers Security Agency Staff misakmit  sa third place trophy pinaagi sa paglubong sa  ANSECA sa iskor  nga 65-53.

 Si Jack Pacaña nangulo sa Gullas Residence  nga mipabuto'g 22 puntos, gisundan ni  Gabriel Mayormita sa iyang 18 puntos ug  Arnold Abella nga adunay 11 puntos.

 Gikan sa dos puntos nga labaw sa halftime, 33-31, ang Gullas Residence mipauwan og mga puntos sa pagpangulo nila ni Pacaña ug Abella alang sa 12-4 rally nga mipaburot sa labaw ngadto sa 11 puntos, 51-40 sa nahabiling 4:49 sa third period.

 Si Mayormita mipasulod   og upat ka sunod-sunod niyang tira  nga maoy miselyado sa ilang daog.

 Ang KEPCO gipangulohan ni Petrona Palomar nga miiskor og 19 puntos, samtang si Rey Mabitad miamot og 11 puntos.

PUNTOS MATAG USA

Unang duwa:

(For third)

 LSA Staff  (65) - Villanueva 20, Racaza 17, Calvo 12, Lañas 6, Pesiao 6, Saragena 2, Casquejo 2.

 ANSECA (53) - Villaver 24, Briones 12, Salvacion 6, Dingal 6, Rusiana 5.

Ikaduhang duwa:

(Championship)

 Gullas Residence (68) - Pacaña 22, Mayormita 18, Abella 11, Villamero 6, Entea 5, Tubaon 3, Cabisas 2, Mejares 1.

 KEPCO (58) - Palomar 19, Mabitad 11,  Rhyzel  8, Antiola 6, Tabliga 5, Sumalinog 3, Pialgo 2, Del Rosario 2, Atienza 2.