Alaska kampiyon, 3-0
CEBU, Philippines - Mibahug og 26 puntos ang Alaska Aces import nga si Rob Dozier aron ipaila nganong siya maoy napiling Best Import sa miaging tuig ug maoy nangu sa ilang 96-86 nga kadaugan batok sa Tagoloan Tigers kagabii aron sakmiton ang titulo sa tulo ka adlaw nga 2014 Charter Day Cup basketball tournament didto sa Cebu Coliseum.
Wala'y pilde ang Aces sa tulo ka duwa ug miharus sa tanan nilang kontra alang sa hapsay nga 3-0 nga baraha.
Ning pagsuwat sa alas siete kagabii, padayon pang nagduwa ang GlobalPort Batang Pier ug ang Talk 'N Text Tropang Texters diin ilang giilogan ang ikaduhang pwesto. Parehong adunay 1-1 nga baraha ang Batang Pier ug ang Tropang Texters.
Sumala sa ilang duwa kagabii diin naglisud pagpilde kanila ang GlobalPort, nagpakita sa ilang katakos ang Tigers kinsa kataposang milabaw sa fourth period, 65-62 human sa three-pointer ni Patrick Cabahug.
Dali ra sab nuon kaayong napapas sa Aces ang ilang biya pinaagi sa mga puntos nilang Dozier, Calvin Abueva ug RJ Jazul aron inaton ang ilang labaw ngadto sa otso puntos, 78-70. Misikit unta pag-usab ang Tigers human sa sagunson duha ka baskets ni Ferdinand Lusdoc apan kadiyot ra sab kadto kay nainat dayon sa Aces ang ilang labaw sa pag-ayuda nilang Sonny Thoss ug Gabby Espinas.
- Latest
