Pacquiao naglungot-lungot nang mobawos ni Bradley
CEBU, Philippines - Walay pupanalipod si Filipino ring icon Manny Pacquiao sa iyang tinguha nga mobawos ngadto ni Timothy Bradley.
Apan limitado ang iyang pamahayag dihang gipangutana kun unsa nga paagi niya pildihon si Bradley.
"Babawi tayo (We will get even)," matud pa ni Pacquiao sa The Freeman, ang igsuong mantalaan sa Banat News human sa duha ka oras nga energy-sapping workout didto sa Pacman Wildcard Gym sa General Santos City.
Takdo na sa duha ka semana karon, ang eight-division world champion nga si Pacquiao seryoso sa iyang ensayo didto sa iyang yutang natawhan diin mo-jogging kini sayo sa buntag, mag-workout inig ka hapon nga kabahin sa iyang inisyal nga pagpangandam alang sa iyang "rematch" uban ni Bradley sa Abril 12 didto sa MGM Grand Garden Arena sa Las Vegas, Nevada.
Atol sa ilang unang sangka niadtong 2012, si Bradley nidaog pinaagi sa controlversial split decision diin si Pacquiao gituohan sa kadaghanan nga modaog.
"I lost during our first fight and that motivates me to do better this time and prove I am the better fighter. I just have to do what I do best and God will do the rest," batbat ni Pacquiao.
Duha sa iyang sparmates nga silang Lydel Rhodes ug Dan Nazareno atua na sa Tuna City, apan si Pacquiao wala pa magsugod sa iyang subsob nga ensayo hangtod nga moabot ang iyang American trainer nga si Freddie Roach sunod semana.
Si Rhodes usa ka lightweight prospect gikan sa Oklahoma City, samtang si Nazareno, former two-time regional welterweight champion. (BANAT NEWS)
- Latest
