Summer Aikido clinic sa Mandaue

CEBU, Philippines - Ang Mandaue Aikido Center sa  P. Burgos, Brgy. Alang-Alang  sa maong dakbayan nga gidumala ni Troy Juanico mopahigayon sa ilang Summer Aikido Clinic 2014.

Gitukod ang maong programa aron paghatag og kalingawan sa mga batang nagpanuigon og 7-anyos ug pataas sa panahon sa bakasyon.

Matud pa ni Juanico nga daku kaayo'g ikatabang sa mga bata ang pagsalmot sa Aikido clinic tungod kay gawas nga makadugang sa ilang kahimsog sa panglawas, makabaton usab sila og tukmang disiplina sa paglikay sa mga kalihukan nga makadaut sa ilang kaugmaon nga ilang makat-onan sa pagpakighugoy-hugoy sa mga barkada.

Ang maong matang sa paugnat sa kusog mahimo usab nga hinagiban sa pagdepensa sa kaugalingon batok sa mga dautang tawo.

Sugdan ang clinic sa Abril 1 hangtod sa Mayo 31. Sa adlaw'ng Lunes, Miyerkules, Biyernes ug Sabado magsugod ang clinic gikan sa alas-7 hangtod sa alas-9 sa gabii ug Martes ug Huwebes sa alas-3 hangtod sa alas-5 sa hapon.

Alang sa dugang mga kasayoran, mahimong mokontak ni Juanico sa 09323683389 ug 032-32841126.