Keiz BJ motocross sa pagsabungan gitakda ugma

CEBU, Philippines - Human  mawala sud sa dul-an sa usa ka tuig, lingawon na sab ni Siegfred Ornopia ang katawhan sa Brgy. Pagsabungan pinaagi sa pagpahigayon og Keiz BJ Motors Invitational Motocross Competition  karong Biyernes, Pebrero 21 diha sa Pagsabungan racetrack sa Mandaue City.

"Nihangyo man gud sila nga mag-motocross mao nga magpalumba ko," matud pa ni Keiz BJ big boss Siegfred Ornopia.

Si Ornopia naglantaw og kulbahinam nga aksiyon sa mga banggiitang riders dinhi sa Sugbu ning maong kompetisyon nga usa

sa mga dakung  kalihukan sa tinuig nga kapistahan sa ilang mahal nga patrona Our Lady of Lourdes karong Pebrero 22.

Ang masaarong mga anak ni Ornopia mopakita sab sa ilang abilidad sa tagsa-tagsa nila ka dibisyon. Si Keizer mopakita’g

aksyon sa 50 cc. ug junior 65cc., si Ken-Ken sa junior 85cc., samtang ang ilang kinamaguwangan nga si Brylle mopakita'g aksiyon sa junior

85cc. ug beginners class.

Si Ornopia sa iyang bahin,  mopakita sab kini sa iyang abilidad ubos sa Executive division.

Daghan pang mga kategoriya  ang  kumbatihan ning usa ka adlaw nga kalihukan nga gipaluyohan nilang Gener Sicad, Renante

Tigue, Haojue Phils., Betonval Ready Mixed Cement ug sa Pagsabungan Barangay Council ubos sa liderato ni Brgy. Capt. Asterio

'Bubbles' Suson.

Nagpasalamat usab si Ornopia ngadto ni Engr. Jun Mahusay tungod sa daku niining suporta pinaagi sa pagpagamit sa iyang

luna nga gihimong racetrack aron nga mas mabulokon  ug makahuloganon ang pagsaulog sa piyesta. (BANAT NEWS)