Supercross sa SRP

CEBU, Philippines - Plansado  na ang tanan alang sa first leg sa Man and Machine Supercross 2014 series karong weekend diha sa South Road Properties (SRP).

Kapin sa 100 ka  riders ang gipaabot nga mosalmot sa unang bahin sa eight-leg series nga ipahigayon sa nagkadaiyang bahin sa

nasud.

Ang numero unong rider sa nasud nga si Glenn Aguilar dili moapil tungod sa kakulang niya sa preparasyon hinungdan nga

anaa na lang karon nila ni Cebuano Jon-Jon Adlawan ug Rhowell Mangosong sa Mindanao ang mag-ilog sa korona.

Hinuon, mag-agi kini og daghang babag tungod sa pagsalmot sa mga  langyaw'ng riders gikan sa Hungary ug France nga

mikompirmar sa ilang partisipasyon.

Gawas nila ni Adlawan ug Mangosong, laing local elite riders nga mobida sa pro open category naglakip nila ni Donark Yuzon,

Jubenile Abellar ug Ambo Yapparcon.

Mga kategoriya nga tigian sa duha ka adlaw nga lumba nga gipasiugdahan sa Man and Machine Racing Promotions uban sa

suporta sa Cebu City government, naglakip sa pro lite, open enduro, underbone, novice open, women’s open, local enduro, intermediate,

peewee 50cc. ug 65cc., veterans A, B ug C ug mini category.

Ang lumba nga usa sa mga highlights sa 77th Charter Day Celebration sa siyudad sa Sugbu namugna usab sa abag sa Kopiko,

Rusi Motors, Jela Construction, Sel-J Motorsports ug Nature's Spring Waters. (BANAT NEWS)