Pito ka teams wala pay pilde

CEBU, Philippines - Pito ka teams gikan sa lain-laing age groups ang wala pa makatilaw og pilde sa nagpadayong Alaska Basketball Cup 2014

niadtong weekend didto sa Lux Oriens Gym sa Sacred Heart School-Ateneo de Cebu (SHS-AdC) Canduman Campus, Mandaue City.
Ang University of San Jose-Recoletos (USJ-R) mipilde sa University of San Carlos (USC) Gold, 35-31 aron moposte'g 3-0 nga

baraha sa Under 10. Midaog sab ang guest team University of the  Visayas (UV) pinaagi sa paglubong sa St. Benedict, 25-15.  Sa Under 13

year old division, nagsolo sa liderato ang  Cebu Eastern  College (CEC) bitbit sa ilang 4-0 nga baraha human sila makaipsot batok sa Holy

Spirit School-Tagbilaran, 56-54, ang USC Green  mipukan sa USC Gold alang sa ilang 2-0 nga baraha ug ang host SHS-AdC A (2-2)

milubong sa Don Bosco Technology Center-A, 54-27.
Wala say pilde ang UV sa Under 16 division human midaog batok sa CEC, 67-47. Sa Under 13 Division 2, ang CIC-M (2-0)

midaog batok sa St. Benedict (0-1), 52-23. (BANAT NEWS)