2014 Cebu Triathlon Series mosikad ugma sa Dalaguete
CEBU, Philippines - Miabot na ngadto sa 40 ka triathletes ang nikompirmar sa ilang partisipasyon sa 1st leg sa 2014 Cebu Triathlon Team Championship Series nga mosikad ugma didto sa Dalaguete sa habagatang bahin sa Sugbu.
Sa 40 nga nagpalista, 32 niini ang mopakita’g aksiyon sa standard male division, samtang walo ang habig sa babaye.
Ang sprint race adunay 12 ka mga lalaking entrante ug tulo sa babaye, samtang ang kiddies category adunay 13 ka mga partisipante.
Ang kalihukan usa lamang sa mga highlights sa tinuig nga kapistahan sa lungsod sa Dalaguete. Ang second leg gitakda karong Abril didto sa isla sa Bantayan, samtang hingpiton pa ang binyu sa laing duha ka legs.
Alang sa dugang mga kasayoran, mahimong mokontak ni coach Benjoe Jimenez sa 0933-9256285. (BANAT PALARO)
- Latest
