CEBU, Philippines - Miabante na sa finals ang Pimentel Brokers human sila modaog batok sa Angel Mary Pawnshop, 120-108 sa 7th FYA-Philip Zafra Cup 2014 basketball tournament sa miaging adlaw didto sa Brgy. Tisa gym, ning siyudad.
Sa laing duwa, buhi pa ang paglaum sa Simple Likes Resto Bar alang sa finals dihang ilang gimakmak ang D&L Sportswear, 123-113 sa Game-2 sa ilang "best-of-three" semifinal series aron makapugos og knockout match batok sa Angel Mary.
Ang Pimentel Brokers gipangulohan ni Ranel Patalita, kinsa mibahog og 30 puntos samtang si Nico Laborte midugang og 22 puntos.
Napugngan sa Pimentel Brokers ang team owner sa Angel Mary nga si McLean Alkuino, kinsa igo lang miiskor og 10 puntos.
Ang modaog tali sa Angel Mary ug Simple Likes karong gabii maoy makigtakus sa Pimentel alang sa knockout finals unya sa Lunes.
Sa laing bahin, ang Simple Likes gipangulohan ni Ryan Dacayan pinaagi sa iyang 36 puntos, gisundan ni Lito Mirasol nga adunay 25 puntos. Silang Jokjok Canceko ug Noel Medalle nagkumboya'g 27 puntos alang sa Simple Likes.
Ang D&L Sportswear gipangulohan sab ni Janus Abellana sa iyang 28 puntos.
puntos matag usa
Unang duwa:
Pimentel Brokers (120) - Patalita 30, Laborte 22, Bahina 16, Reyes 11, Caballero 11, Abellana 11, Malicay 9, Duran 6, Sombilon 2, Noquillo 1.
Angel Mary (108) - Rara 25, Ramirez 19, Lim 19, Bermudez 12, Alkuino 10, Baguiu 8, Pardenilla 4, Dumaguit 3, Parba 2, Sydiongco 2, Jabonero 2.
Ikaduhang duwa:
Simple Likes (123) - Dacayana 26, Mirasol 25, Canceko 14, Medalle 13, Abella 9, Lastomen 9, Sarsaba 4, Baricuatro 4, Zapanta 1.
D&L Sportswear (113) - Abellana 28, Trangia 24, Cadungog 14, Villaver 11, Torres 9, Batuto 9, Pacaña 5, Dacayana 3, Parba 2. (BANAT NEWS)