VMA-Power chess tourney gitakda
CEBU, Philippines - Mokabat ngadto sa P30,000 nga ganting salapi ang giandam alang sa mga mananaog sa 2nd VMA-Power Open Chess Tournament nga gikatakda sa Pebrero 8-9 diha sa Colonnade Mall sa dalan Colon, ning siyudad.
Ang kampiyon sa 9-round Swiss system tournament mobulsa og P6,000, samtang ang mopahiluna sa ikaduha makadawat og P4,000 ug ang ikatulo makaangkon og P3,000. Ang fourth ug fifth placers makadawat og P2,000 ug P1,000 matag usa.
Ang ikaunom hangtod sa ika-10 makadawat og P500 matag usa, samtang ang 11th hangtod sa 20th hatagan og consolation nga P400 matag usa. Niadtong malakip sa top 30 winners makadawat og P300 matag usa.
Ang top performer sa Cepcans, junior, kiddie ug lady players hatagan P500 nga insentibo matag usa.
Aduna kini registration fee nga P200. Ang mga organizers modawat og on-site registration.
Alang sa dugang mga kasayoran niadtong interesadong mosalmot mahimong mokontak ni FIDE Arbiter Marvin Ruelan sa 0926-7352951.
Gipaluyohan ni Engr. Marvyne 'Suntzu' Guardiana sa MVA-Power Group of Companies, ang duha ka adlaw nga kompetisyon suportado sab sa Cebu Executives and Professionals Chess Association (CEPCA) ubos sa liderato ni Engr. Jerry Maratas. (BANAT PALARO)
- Latest
