CEBU, Philippines - Nakuha sa Sugbuanong Doce Pares Blackbelt Ermar Alexander ang 6th grade blackbelt human makapasar sa makasaysayanong
practical dissertation niadtong Lunes didto sa Doce Pares World Headquarters sa Sto. Niño Village sa Banilad, siyudad sa Sugbu.
Si Alexander nga lumad taga-Minglanilla, apan didto nagdaku sa England sa Estados Unidos, nagkinahanglan lang og duha ka
oras aron makumbinser niya ang mga panelists nga gilangkuban nilang Doce Pares Grandmasters Rodrigo Maranga, Felix Gutang, Andres
Cañete, Masters Joe Borces ug Rudy Rey, media practitioners Emmanuel 'Manny' Villaruel (The Freeman sports editor) ug Nestor Ramirez
(Prime Time Radio Host sa DYRC ug Department Chairman sa Communication and Journalism sa University of San Jose-Recoletos).
Gipakita sab ni Alexander ang iyang nakab-ot nga kalampusan pag-promote sa Doce Pares didto sa United Kingdom, Europe ug
sa ubang bahin sa Tunga-tungang Sidlakan lakip na ang iyang desisyon pagbiya sa iyang trabaho aron mahimong full-time Eskrima
instructor.
Si Doce Pares Supreme Grandmaster Dionisio Cañete, ODL (Order of Datu Lapu-Lapu) nahimuot sa resulta sa dissertation.
Sa laing bahin, si Diana Fauner nakaambit sab og makasaysayanong kalampusan dihang siya ang labing unang Doce Pares
blackbelt nga nipasar sa duha ka grade level exams.
Ang taga-Davao nga si Fauner ug karon atua na magbasi sa London nakakuha sa 2nd ug 3rd grade blackbelt sa usa lang ka
higayon. (BANAT NEWS)