Camingao, Cabugwason naghari sa ilang dibisyon
CEBU, Philippines - Ang bisitang riders nga si Romeo Camingao ug Jun Cabugwason maoy nidominar sa ilang tagsa-tagsa ka dibisyon sa final leg sa 12th RECYCLE Cycling series nga naila sab nga "Tour ni Frank" Cycling event sa miaging adlaw didto sa dakbayan sa Danao.
Si Camingao sa Marikina maoy naghari sa 40-below division batok ni Kit Cabonita. Si Gino Basirgo napunta sa ikatulo nga dapit, samtang sila si Nilo Barbalose ug Amon Espinosa mi-okupar sa ikaupat ug ikalima nga dapit.
Sa iyang bahin, ang taga-Ormoc City nga si Cabugwason mao sab ang nanghawod sa 40-above division. Si Teodorico Tumulak mipahiluna sa ikaduhang dapit ug si Ismael Gendrano nalandig sa ikatulo.
Mokompleto sa top five finishers mao silang Bernard Mabino ug Teodorico Tumulak.
Ang duha ka adlaw'ng lumba nanukad sa Cebu City ug gitapos sa Danao, gipasiugdahan ni US-based Frank Gatdula.
Gisuportahan sab kini sa Danao City Sports Commission ni Boying ug Ome Rodriguez, Cycle Logic, Recycle crew, cebucycling.com, Atty. Jong Sepulveda, Vellum Cycles, LUZVIMIN Racing, SBG Breastfeeding ug Vios Construction.
- Latest
