So bumigay sa Cuban GM, laglag sa No. 6

MANILA, Philippines - Lumasap si Filipino Grandmaster Wes­ley So ng ikalawang pagkatalo kay Cuban GM Leinier Dominguez sa eight round ng 2014 Tata Steel Master sa Wijk aan Zee sa The Netherlands noong Martes.

Ang 20-anyos na si So ay bumigay sa middle-game para mapako sa apat na puntos sa kompetisyong nilalahukan ng mga mabibigat na manlalaro sa chess sa mundo.

Nalagay ngayon si So sa pakikisalo sa ikaanim hangang ikawalong puwesto kasama sina Pentala Harikrishna  ng India at Loek Van Wely ng Dutch.

Si Dominguez ay nakasalo ngayon sa ikatlong puwesto bitbit ang limang puntos.

Sunod na laro ni So ay laban kay  Van Wely bago isunod sina Harikrishna sa Sabado at No. 3 Fabiano Caruana ng Italy sa Linggo.