Skateboarding track tukuron

CEBU, Philippines -  Temporaryo una nga ipahimutang sa ilawom sa 2nd Mactan Mandaue Bridge ang "skateboarding track" sa dakbayan sa Lapu-Lapu alang sa mga mahiligon og skateboarding.

 Matud pa ni Lapu-Lapu City Mayor Paz Radaza, gumikan sa bag-ong desinyo sa racetrack nga gihimo sa City Engineerings Office alang sa skateboarding track nga tukoron kilid sa Hoopsdome sa Brgy. Gun-ob sa maong dakbayan hinungdan nga racetrack temporaryo unang gibalhin sa ilawom sa 2nd Mactan Bridge. Sumala pa ni Mayor Radaza nga mokabat ngadto sa 1.5 milyones ka pisos ang gigahin sa dakbayan sa maong skateboarding track human makita niini ang pipila ka mga kabataan nga mahiligon sa natad sa paugnat sa kusog anaa lamang sa kadalanan magduwa nga delikado sa mga motorista.

 Misamot ang tinguha ni Mayor Radaza sa pagmugna og skateboarding track human midaog ang usa ka Oponganon nga si Dandoy Tongco sa mga internasyonal  nga kompetisyon sama sa Japan, Singapore ug sa Mexico. (BANAT NEWS)