Nindot unta apan lisod toohan

Diay estorya nga dili lang makadani og atensyon apan makapakurat pa gyud.

Maoy una nakong nabasahan sa internet kagahapon pag-abli nako sa computer ang usa ka banner story sa Yahoo Philippines sports nga sinulat niining usa ka Pakistani nga si  Ronnie Nathanielsz  sa iyang column "For the Road" nga nag-ulohan "Will  Pacquiao fight in the new Philippine Arena?

By all means, alang kanatong Pinoy, 101 percent kitang uyon niini ug labaw pang mosugot ang eight-division champion nga si Manny Pacquiao niini kay ang tanang matang sa bentaha o pabor tua man kaniya dili  lang kay usa kini ka kasaysayan sa kalibotan sa boksing ilabi na kung mahapsay ang tanang mga kundisyones nga malatid sa ilang kontrata batok kang Floyd Mayweather, Jr.

Apan lagi tungod lagi kay usa pa man kini ka dakong QUESTION MARK (in bold letters), dili pa kini seguro ilabi na kay posibleng pangpagpas lang sab kini ni Nathanielsz aron basahon ang iyang column.

Duna man go'y gisugdan na og tukod karon nga usa ka super dome didto sa Bocaue, Bulacan nga mosulod og gibana-banang 50 mil ka tawo nga haum kaayong himoong benyu sa gitawag og Fight of the Century. Gitukod kining maong state-of-the-art coliseum aron maoy himoong benyu atol sa centennial o usa ka gatos ka tuig nga anibersaryo sa Iglesia ni Kristo.

Kung kahinumdoman, kini sab si Nathanielsz ang nagsuwat o mipunit sa hilaw pang estorya nga madayon na gyud kuno ang mega-fight tali nilang Pacquiao ug Mayweather kay iyang nakutlo sa yabag nga commentator sa YouTube78sports  nga naghisgot sa away nilang Pacquiao ug Mayweather, Jr. karong Septiyembre nga usa na kuno ka "done deal"

Pagka-sunod adlaw, ang maong isyu gipanghimakak dayon sa kampo ni Pacquiao ug ang makalibog niini kay diay naa say estorya ni Nathanielsz  gahapon nga daw pabuhi lang sa dugo. Mura bitaw hinoon og atong masabot nga mitabang siya'g promote niini kang Bob Arum sa Top Rank Promotions. Mibutyag na si Pacquiao nga iyang pahuwaton si Mayweather ngadto sa 2015 aron makigsangka siya nga dili na ilawom sa ilok ni Arum nga maoy gusto ni Mayweather. 

 Ang tanang tawo sa kalibotan gusto nga mahitabo ang maong sangka ug ang mga Pinoy ba kahay dili gustong anhi sa Pilipians ang away kay gani naglupad man hasta mga Sugboanon aron lang mosaksi sa away nilang Pacquiao ug Brandon Rios didto sa Macau.

Sa akong pangagpas, dili mosugot si Mayweather nga makigsangka kang Pacquiao dinhi sa Pilipinas kay gani wala man gyud madayon ang sangka didto sa Las Vegas nga maoy balwarte ni Floyd.

Sa pagkabugal-bugalon ni Floyd ngadto kang Pacquiao ug halos sa tanang tawo nga duol sa luwag ni Pacquiao, dili mahitabong mohisgot si Floyd sa maong sangka gawas lang gyud tingali'g mlagrohan ang utok ni Mayweather nga maliso ang liog paatubang dinhi sa Pilipinas.

Sa higayon pa pang nga motangdo si Floyd, daug na daan si Pacquiao ug tibuok Pilipinas ug sa gitawag og "trial by publicity" wala pa makahampak og kinumo si Pacquaio, daan nang nagkamuritsing ang nawong ni Floyd ug kuyaw pa gani diha sa airport nga labayon siya'g dunot nga tamatis ug binugok nga itlog aron lang kita makabawos sa tanang matang sa pagbulag-bugal ni Floyd kang Manny.

 Usa ka dakong isyu sa security kung adto ipahigayon ang away didto sa Bulacan kay gani sa Metro Manila nga tua mapunting ang tanang mata sa kapolisan ug kasundalohan duol sa duha ka dakong kampo militar, maglisod pa man gani usahay pagpugong sa katawhan.

Mismo gani ang pagpahigayon sa 27th FIBA Asia dghang kaayong nagamit nga police personnel ug unsa na lang kaha kung ang Pacquiao-Mayweather na ang himoon.

Daghan na kaayong mga pagsuway nga gihimo aron magsangka silang Floyd ug Manny apan inay dawaton, magbugal-bugal man hinoon si Floyd. Kaniadto, maoy iyang gusto nga magpa-Olympic style bloods testing si Manny ug sunod niana iyang gikundisyonan nga mosukol siya kung mas labaw ang iyang premyo.

Karong bag-o lain na sab ang iyang istelo. Dili kuno siya ganahan makigsangka sa boksidor nga nagdala'g unlan ug habol sulod sa ring human matulog si Pacquiao sa  kinumo ni Juan Manuel Marquez ug napilde pa gyud siya ni Timothy Bradley.

Matud pa sab ni Floyd nga wala siya mahangol sa iyang bakus sa welterweight division ug dili kana makapausab sa iyang pagka-undefeated champion kung magpatangtang siya sa bakus tungod kay dili niya kursonadang kontrahon sa iyang mandatory defense ang boksidor nga napilde ug sagunsong duha ka away.

Karong bag-o medyo na-usab na sab ang tuno sa bugal-bugal ni Floyd kay iya kunong hatagan og 40 milyones si Pacquiao aron lang mosukol kaniya.

Mao man bitaw nga sa atong kalagot ni Floyd nga di gyud mosukol ni Manny ato siyang nganlan kanunay og GAY-WEATHER kung sa toyab pa nga lingo, bading.

Makalibog gyud. Pareho kini sila si Nathanielsz ug Mayweather makalibog kung mao nay mosulti.

MISCELLANEOUS. Welcome back to Cebu jet kwon du expert and eskrima Grandmaster Richard Bustillo along with his two disciples from the IMAB or International Martial Arts and Boxing Eric old and Mike Harris. Bustillo was here as the guest speaker of the 82nd anniversary of the world-reknown Cacoy Doce Pares World Federation last Saturday, January 11 at their headquarters along C. Padilla street.