2nd Kopiko Astig supercross series gitakda sunod buwan

 CEBU, Philippines - Plantsado na ang tanan alang sa second edition sa Kopiko Astig 3-in-1 supercross series nga gikatakda sunod buwan dinhi sa Sugbu.

 Ang first leg sa maong nationwide  supercross  series nga   gipasiugdahan sa  Man and Machine  Racing Promotions    tentatibong    sugdan  sa   Enero   25    diha sa South    Road    Properties (SRP).

 Ang bag-ong gikoronahan nga "Rider of the Year" nga si Glenn Aguilar makasugat na usab og laing hagit gikan sa duha ka batan-ong riding sensation nga  sila si  Jon  Eleazar  Adlawan sa  Cebu  ug  Rhowell Matias Mangosong  IV  sa   Davao City.

 Sila si Aguilar, Adlawan ug Mangosong uban sa mga elite riders sa nasud magtigi sa pro open category.

 Laing kategoriya nga tigian sa year-round national race mao ang pro lite, novice open production, intermediate, beginners  open, underbone, women’s  class,    peewee 50cc, peewee 65cc, local enduro, open  enduro,  mini,   veterans C,   veterans  B   ug   veterans A.  (BANAT PALARO)