Daghang maayo moduwa, apan torneyo maoy wala

Daan na kitang nasayud nga kung basketball gani maoy hisgotan, dili mabentahaan ang Sugbo bisan og tinuoray nga tua gyud didto sa Metro Manila ang mas daghan maayong laki.

Gawas sa Manila, dili na tingali malalis nga ang Sugbo maoy mas daghan og players nga nahimong popular sukad pa kaniadto sa MICAA ug hangtod karon sa PBA.

Didto sa Luzon, ang mga lugar nga dunay daghang maayong moduwa'g basketball mao ang Pampanga, Pangasinan, Bulacan ug Cavite samtang didto sa Mindanao, daghang maayong moduwa's basketball sa Davao, Iligan ug Cagayan de Oro.

Ang ubang mga dapit sa Visayas nga daghan sab og produkto sa MICAA ug PBA mao ang Leyte, Bohol ug Bacolod.

Busa tungod niini, dili angay kahibudngan nganong dad-on dinhi sa Sugbo sunod tuig ang usa ka dalaygon nga basketball program alang sa mga batan-on nga nagpangidaron og 16 anyos paubos nga mao ang Alaska Basketball Cup-Cebu. Gilusad kini dinhi sa Sugbo nilang Alaska Milk Sports Development Head Dicky Bachmann ug Alaska Basketball Camp Director Jojo Lastimosa  nga kanhi parehong PBA players sa Alaska Milk nga karon Alaska Aces.

Nahibawo si Lastimosa nga daghang maayo moduwa'g basketball dinhi sa Sugbo kay siya mismo produkto man sa University of San Jose Recoletos apan ambot ngano kini si Lastimosa nga iya na mang gisalikway ang Sugbo ug ambot unsay iyang nahiubsan dinhi sa atong lalawigan nga kung interviewhon siya sa TV, dili man siya modala'g CSJR (USJR) ug kanunay man niyang angkonon ang Cagayan de Oro. Bisan kung tinuod kini dili ikalimud ni Lastimosa nga dinhi siya mosikat ug mailado pag-ayo sa Sugbo hangtod nahimo siyang PBA player.

Mao nga dihay nga panahon nga matag bisita ni Lastimosa sa Sugbo, "boo" lang kanunay ang iyang madawat sulod sa Cebu Coliseum.

Apan milabay na kadto. Ato na sad suportahan ang kaayohan sa basketball nga iyang gidala dinhi kay kining matang sa proyekto maoy makadugang sa kaikag o gana sa mga batan-on pagduwa ug kung kanunay silang magduwa, mo-umento ang ilang abilidad sa basketball ug mahimo dayong varsity player ugma damlag.

Ang Alaska Basketball Cup-Cebu nakig-alayon tali sa Alaska Milk ug sa Cebu Youth Basketball League nga gidumala sa atong higala ug columnist nga si Rico Navarro kinsa mao sab ang Athletic Director sa Sacred Heart School-Ateneo de Cebu.

Ang CYBL naporma kaniadtong 2007 tungod kay kuwang og basketball activities ang mga batan-on nga nag-edad og 16 paubos.

Gawas pa dinhi sa Sugbo, dad-on sab sa Alaska Milk ang susamang matang sa torneyo didto sa Davao, Lucena ug dayag na lang, sa Metro Manila sunod tuig.

Nagsugod og upat lang ka teams ang CYBL niadtong 2007 ug usa lang ka age group.

Karon sa ilang ika-pitong tuig, dali kaayo kining miburot ngadto sa tulo ka age groups nga 11 Under, 13 Under ug 16 Under.

Ang Alaska Basketball Cup-Cebu mopahigayon og tulo ka conferences sa tibuok tuig sugod karong Enero 2014 ug ang mga coaches program ipahigayon karong buwan sa Disyembre.

It is in line with Alaska Milk’s program and dream to touch more children in the Philippines and encourage these young champions to embrace a healthy and active lifestyle through basketball.

After Cebu the Alaska Basketball Cup will launch similar competitions in Metro Manila, Lucena and Davao.

Boys will be encouraged to develop their skills to the fullest because they will compete against athletes of the same age as well as physical and mental development.

Alaska does not just sell milk products. It also helps in community development and nation building by nurturing positive values of teamwork, cooperation and fair play through sports activities like the Alaska Basketball Power Camp, the Jr. NBA/Jr. WNBA and the Alaska Basketball Cup. Likewise, Alaska leads in promoting a healthy lifestyle, especially among children, through regular sports activities and proper nutrition.

Schools, institutions and individuals who may want more information on the Alaska Basketball Cup may log on to www.alaskapowercamp.com/basketball. Like us on our Facebook page, Alaska Basketball Power Camp and follow us on twitter; @ALASKAsportshub.