Simple Likes, Angel Mary Pawnshop midaog dayon

 CEBU, Philippines - Mihimo'g impresibong kadaugan ang Simple Likes Barbecue Haus ug Angel Mary Pawnshop sa pagbukas sa  7th FYA-Philip Zafra Cup 2013 basketball tournament niadtong Lunes sa gabii didto sa Brgy. Tisa gym, ning dakbayan.

 Gipilde sa Simple Likes ang D&L Sportswear-Allan John team sa iskor nga 94-85, samtang gipilde sab sa Angel Mary Pawnshop ang defending champion BD Law Office, 82-75.

 Upat ka players sa Simple Likes ang miiskor og double figures sa pagpangulo ni Ryan Dacayana, kinsa mibahog og 21 puntos, si Noel Medalle miamot og 19 puntos, samtang silang Isyut Regudo ug Lito Mirasol mitampo'g  14 puntos matag usa.

 Ang D&L gipangulohan ni Ryan Villaver pinaagi sa iyang 17 puntos, gisundan ni Takle Abella nga adunay 14 puntos ug Dondon Cadungog sa iyang 13 puntos.

 Sa laing bahin, silang McLean Alkuino ug Roel Baguio maoy nangu sa opensa sa Angel Mary Pawnshop nga nagkumboya'g 45 puntos.

 Ang BD Law Office gipangulohan sab ni USC Baby Warriors coach Britt Carlo Reroma, kinsa miburak og 33 puntos, apan nausik lang ang iyang mga paningkamot tungod sa ilang kapildihan. Si Tata Laborte midugang og 15 puntos ug si Junrey Arreglo miamot og 12 puntos.

Puntos matag usa

Unang duwa:

 Simple Likes (94) - Dacayana 21, Medalle 19, Regudo 14, Mirasol 14, Cabaron 7, Lastomen 6, Sarsaba 5, Baricuatro 4, Canceko 2, Zapanta 2.

 D&L Sportswear (85) - Villaver 17, T. Abella 14, Cadungog 13, Pacaña 9, Dacayana 6, R. Pacaña 6, Trangia 5, Batuto 5, Parba 2, Abella 2.

Ikaduhang duwa:

 Angel Mary (82) - Alkuino 24, Baguio 22, Cajucson 9, Bermudez 7, Dumaguit 4, Sydiongco 4, Pardenilla 2, Rara 2.

 BD Law Office (75) - Reroma 33, Laborte 15, Arreglo 12, Cueme 4, Garcia 4, Abella 2, B. Medalle 1. (BANAT NEWS)