Kopiko supercross final leg sa SRP

CEBU, Philippines - Andam na ang tanan alang sa labing dakung  motocross event sa Sugbu karong tuiga -- ang final leg sa Kopiko Astig 3-in-one Supercross Series diha sa South Road Properties karong weekend.

 Gipaabot nga kapin sa 100 ka riders ang mosalmot sa final round sa maong 12-leg series nga gipahigayon sa nagkadaiyang dapit sa nasud.

 Si Glenn Aguilar, ang giisip nga No.1 rider sa nasud   makiglumba na sab sa iyang karibal ug garbo sa Sugbu nga si Jon-Jon Adlawan alang sa titulo sa pro open category. Ang mokampiyon sa pro open maoy ilhon isip "Rider of the Year."

 Gawas nilang Aguilar ug Adlawan, laing pang mga elite riders nga mopakita'g aksiyon sa pro open naglakip nila ni Bornok Mangosong, Donark Yuzon, Jubenile Abellar, Ambo Yapparcorn ug Dutch rider Nikolaj Larsen. Uban pang mga kategoriya nga tigian sa duha ka adlaw nga lumba mao ang pro lite, open enduro, underbone, novice open, women’s open, local endure, intermediate, peewee 50 and 65 cc, veterans A,B and C ug mini category.

 Gipasiugdahan sa Man and Machine Racing Promotions, ang  lumba gisuportahan usab sa  National Motorcycle Sports and Safety Association (NAMSSA). (BANAT NEWS)