Kai Gas, Natasha MSE mikulit daog sa LLSC cagefest
CEBU, Philippines - Nakarekober dayon ang Kai Gas gikan sa ilang pagsugamak pinaagi sa paglubong sa MetroWear, 95-79 sa nagpadayong aksiyon sa Lapu-Lapu Sports Club (LLSC) Inter-company basketball tournament niadtong Sabado didto sa Mactan gym, dakbayan sa Lapu-Lapu.
Ang Kai Gas nagsalig sa mainitong duwa ni Nelson Pagogo, kinsa nagmangtas aron pangulohan ang kadaugan pinaagi sa iyang 19 puntos, gisundan ni Michael Oliva nga mibubo'g 18 puntos. Sila si Joshua Manatad ug Raymund Sosmeña mihakot og 15 puntos matag usa, samtang si Henry Pekitpekit mitubil og 11 puntos alang sa Kai Gas nga wala molingi pa human nila makontrolar ang duwa sa third period.
Gipangulohan sab ni Lactub Abalo ang naparot nga MetroWear pinaagi sa pagkulit og 19 puntos. Nakakuha sab siya'g suporta gikan nilang Dindin Linao ug Harry Montañez nga mitampo'g 17 ug 14 puntos matag usa.
Sa pasiunang duwa, ang Natasha SME milubong sab sa Innodata, 76-62 alang sa ilang 2-0 nga baraha.
Kumbati pa kaayo ang aksiyon sa unang duha ka kuwarter, apan ang Natasha SME kalit lang nanginit sa second half ug mao na ang kanunay'ng naglabaw paingon na paglansang sa ilang ikaduhang sunod-sunod nga daog.
Si Jay-R Yap maoy topscorer sa Natasha MSE nga mipauwan og 20 puntos, samtang si Christopher Sayson miabuno'g 17 puntos ug si Arnold de Asis mipupo'g 15 puntos.
Ang napildeng Innodata (0-1) gipangulohan ni Bryan Enad, kinsa miiskor og 17 puntos, gisundan nilang Alvin Quilaton ug Truz nga adunay 16 puntos matag usa ug Ryan Mindo sa iyang 13 puntos.
Ang tinuig nga torneyo gipaluyohan ni Rolly de la Pieza, Rollway Customs Brokerage ug ni Atty. Rico Amores.
Ang mga duwa gidumala ni league commissioner Billy Nadado uban nilang Japeth Gacayan, Lauro Soroño, Christopher Sayson ug Sir Manatad.
PUNTOS MATAG USA
Unang duwa:
NATASHA MSE (76) - Yap 20, Sayson 17, De Asis 15, Araño 8, Castolo 8, Aying 5, Vergara 4, Maquiran 2.
INNODATA (62) - Enad 17, Quilaton 16, Truz 16, Mindo 13, Daclan 12, Armacaye 4.
Ikaduhang duwa:
KAI GAS (95) - Pagobo 19, Oliva 18, Manatad 15, Sosmeña 15, Pekitpekit 11, Mara 5, Fuji 4, Velie 2, Caliguid 3, Labandria 2, Ducay 1.
METROWEAR (79) - Abalo 19, Linao 17, Montañez 14, Aying 9, J. Curimao, Curimao 6, Jhae 2, Lambayan 2, Lactud 2, Bugoli 2.
- Latest
