Grand finals sa CEPCA chess festival himuon karong Domingo

CEBU, Philippines -  Naghinam-hinam na ang mga maayong laki nga CEPCANS ning tuiga alang sa bug-at nga misyon sa ipahigayong Grand Finals sa tinuig nga Cebu Executives and Professionals Chess Association (CEPCA) tournament karong  Domingo diha sa Lola Soling's Place sa Brgy. Casuntingan, dakbayan sa Mandaue.

 Matud pa ni CEPCA sports committee chairman Jun Olis nga ang 12 ka mga mananaog sa monthly qualifying magbangga alang sa dungog ug ilhon nga labing masidlakong CEPCA player sa tuig 2013.

 Nakakuha'g lingkoranan sa finals mao sila si lawyer Jong Melendez, Percival Fiel, Rey Flores,  Freddie Casagan, Maggie Dionson, Manny Abucay, Francisco 'Jun' Kidlat Jr., Peterson Sia, Harrison Chua, Domy Pialan, NM Arnold Cadiz ug Jimmy Ty Jr. (BANAT PALARO)