Sinikwat nina aligaga at Arcita sa Wushu event 2 ginto para sa Pilipinas

NAYPYITAW - Dalawang wushu veterans ang nagbigay ng gold medals para sa kampanya ng Pilipinas sa 27th Southeast Asian Games dito kahapon.

Kapwa umiskor sina world silver medalists Jessie Ali­gaga at Dembert Arcita ng mag­kaparehong 2-0 panalo sa kani-kanilang weight divisions sa sanda event ng wu­shu.

Tinalo ng 29-anyos na si Aligaga si Dismantua Sim­bolon ng Indonesia sa ka­nilang 48kg. final match, ha­bang dinomina ng 2009 titlist na si Arcita si Phithak Paokrathok ng Thailand sa ka­nilang 52kg championship clash.

Sinabi nina Aligaga at Arcita na ang panguna­hing mo­tibasyon nila ay ang pag­bibigay ng kasiyahan sa mga nasalanta ng bagyong ‘Yolanda’.

“Dedicated sa mga ka­babayan natin. Sila ang ins­pirasyon,” wika ng tubong Iloilo na si Aligaga, nagwagi ng bronze medal sa Laos SEA Games noong 2009 at nabigong makasali sa Indo­nesia noong 2001 matapos tanggalin ang kanyang weight class sa calendar of sports.

Nakalasap naman ng mag­­katulad na 0-2 kabiguan sina rookies Divine Wally sa 48kg class at Evita Elise Za­­mora sa 52kg.

Sa kabuuan, humakot ang mga Filipino wushu ar­tists ng 2 gold, 3 silver at 1 bronze.

Ang men’s duilian team nina Daniel Parantac, John Keithley Chan at Norlenz Ardee Catolico ang unang nag­bigay sa bansa ng me­dalya matapos kunin ang silver, habang si Francisco So­lis ang nagbulsa ng bronze sa 56kg. sa sanda.

Kasama ang silver me­dal ni wrestler Margarito Angana sa 55kg. sa Greco Roman sa National Indoor Sta­dium sa Yangon, nag­lista ang Pilipinas ng overall medal count ng 2-4-1 (gold-silver-bronze) para umakyat sa No. 6 mula sa pagiging No. 9.

Nakatakda pang lumaban si Parantac sa taijijian event at sasabak naman si­na Natasha Enriquez at Kariza Kris Chan sa wo­men’s duilian.