Tabor hills midaog, apan giatbanga'g pilde

CEBU, Philippines - Midaog man tuod og kaduha ang Tabor Hills, apan giatbangan sab kini og duha ka pilde sa tulo ka managlahing kategoriya sa pagsugod sa 16th Aboitiz Football Cup kagahapon didto sa  Aboitiz  Sports Field sa barangay Subangdaku, dakbayan sa Mandaue.

 Sa girls 15 division, ang  Tabor Hills agresibong miduwa    hinungdan nga ilang nasirohan ang Bright Academy, 14-0, apan ang ilang boys 11 class napilde ngadto sa Lahug-A pinaagi sa 4-1 decision.

 Ang Tabor Hills nakarekober uban ang 4-1 nga kadaugan batok sa Warshockz, apan napukan sab ngadto sa Phoenix FC, 2-1 sa under-13.

 Sa laing mga duwa sa under-11, ang University of  San Carlos milansang og 7-0 nga kadaugan batok sa Bright Minds and Learning Village.

 Ang Dynamo sa ilang bahin, midaog sab batok sa Lahug-B, 3-0.

 Sa under-13 division, ang Centre for International Education miposte og 2-1 nga kadaugan batok sa Inayawan boys.

 Naneguro sab ang Warshockz Famball makaangkon og kapildihan ang ilang under-11 players pinaagi sa paglansang og 5-1 nga kadaugan batok sa Guardian Strikers.

 Sa laing bahin, ang  Canduman FC mipilde sa Bright Academy, 3-0 sa under-9 division.

 Ang Abellana National School-Pomeroy mitapos sa ilang duwa sa Mactan Camellanz  pinaagi sa 2-all draw.

 Natapos sab ang duwa tali sa USC-BED ug CIE pinaagi sa scoreless draw.

 Ang Talisay Raskals mipukan sa St. John Seminary, 6-0.

 Ang aksiyon padayon karon uban ang 16 ka duwa, duha ka duwa sa premiere men's open diin ang CAFC makigsangka batok sa Avengers ug Magone batok sa San Roque Rehab team.