Energen Family Run ipahigayon ugma sa Parkmall

CEBU, Philippines -  Gilauman nga kapin sa 100 ka runners ang magginukdanay  sa katapusang hugna sa nationwide nga Energen  Family Run 2 ugma diha sa Parkmall sa dakbayan sa Mandaue.

 Tulo ka kategoriya ang mahimong pilian nga daganan sa mga partisipante ug kini mao ang  3K, 5K ug 10K run.

 Gisugdan ang nationwide nga dagan didto sa Manila niadtong Oktubre 27 didto sa Manila, gisundan sa laing lumba didto sa Davao niadtong Nobiyembre 17.

 Mga ganti ug medalya ang nagpaabot sa mga mananaog sa matag kategoriya, samtang ang dili makadaog  may kahigayonan nga modaog sa raffle draw human sa lumba nga naglakip sa mountain bikes ug android phones gikan sa Lenovo.

 Hinuon, giklaro sa organizers nga kinahanglang makuha sa mga entrante ang cut-off time sa matag kategoriya aron makaapil sa raffle.

 Aron makaapil sa raffle,  ang    3K runners kinahanglan  makakuha sa qualifying time nga 25 minutos,   35 minutos alang sa 5K, samtang sa 10K ang finishers kinahanglan makalabang sa finish line sud sa    usa ka oras ug lima ka minutos.

 Ang entry fee nagkantidad og P200 alang sa 3K, P300 sa 5K ug P400 alang sa 10K libre na ang snacks, race bib, time chip ug singlet.

 Mahimong magparehistro sa Chris Sports sa SM City-Cebu ug Ayala Center Mall. (BANAT NEWS)