Run for Yolanda victims’ gitakda

CEBU, Philippines -  Ang Alpha Sigma Phi Philippines International Collegiate Service Organization Inc. mopahigayon na usab og laing charity event nga  pagauloha'g "Alphan’s ‘Run for Yolanda victims" karong Disyembre 15 diha sa Terraces grounds  sa  Ayala Center-Cebu.

 Ang lumba langkuban sa tulo ka kategoriya -- 3K, 6K ug 12K.

 Usa kini ka fund-raising event alang sa mga biktima sa bagyong "Yolanda" didto sa Tacloban ug Maya Bagay nga nahimutang sa amihanang bahin sa Sugbu.

 "Our fraternity was one of the organizations who immediately responded after the calamities that hits Visayas," matud pa ni Alpha Sigma Phi Board of Director for Visayas Antonio Tompar  atol sa  press conference kagahapon didto sa City Sports Club-Cebu (CSCC) sa Cebu Business Park.

 "This time we want to gather more funds for our goal in helping some families and Tacloban and Maya Bagay in rebuilding their homes. We will use the funds in buying tents, water containers and some construction materials," dugang pa ni Tompar.

 Kapin sa P25,000 cash prizes ug specially designed medals ang ipanghatag sa  top performers sa matag kategoriya.

 Ang registration fee nagkantidad og P400 sa 12K, P350 sa 6K ug P300 sa 3K libre na niini ang singlet ug snacks human sa lumba.

 Niadtong interesado nga mosalmot, mahimong magparehistro  didto  sa Mariners  Court  Cebu, Cebu City  Sports  Center ug  Runnr sa Ayala Active Zone. (BANAT NEWS)