CBM misulbong sa G-League swimfest
CEBU, Philippines - Ang Cebu Blue Marlins mikabkab og 36 golds, 13 silvers ug 14 bronzes sa G-League Long Course Swimming Championship didto sa Lorenzo G. Teves Memorial Aqua Center sa Dumaguete City sa miaging adlaw.
Ang masaarong swimmers gikan sa Universiy of Cebu (UC) maoy daghang nahakot nga bulawan sa pagpangulo ni Shanne Allyne Pareja nga adunay lima pinaagi sa 400m IM, 800m freestyle, 100m breaststroke, 50m backstroke ug 100m butterly.
Si Michael Ichiro Kong mitunol og tulo ka bulawan pinaagi sa 50m backstroke, 100m backstroke ug 400m individual medley, samtang si Karen Mae Indaya adunay duha kortesiya sa 400m IM ug 800m freestyle. Laing pambato sa UC nga si Emma Alexandrite Duroy misakmit sab og bulawan sa 100m butterfly.
Ang garbo sa Sacred Heart School-Ateneo de Cebu nga si Val Tiu mihimo sab og dakung impact human mikabkab og upat ka bulawan pinaagi sa 50m backstroke, 100m butterfly, 400 individual medley relay ug 100m breaststroke. Iyang teammate nga si Arron Grant Embuscado midaog og duha ka bronze medals.
Ang managsuong Garrido nga silang Justine ug Reign sa St. Theresa's College mihakot sab og gold gikan sa 100m breaststroke ug usa ka bronze ug duha ka bronzes.
Si Micah Marie de la Serna sa Tabunok Central School naka-gold sa 800m freestyle, gilamasan og usa ka silver ug duha ka bronzes.
- Latest
