Poligrates naghinam-hinam na
CEBU, Philippines - Human mipirma og duha ka tuig nga kontrata uban sa Talk N' Text Tropang Texters, ang Sugbuanong hardcourt star nga si Eliud
Poligrates naghinam-hinam na sa labing una niyang duwa isip pro dihang ang iyang koponan moharong sa Meralco Bolts sa usa sa tulo ka
opening games sa 2013-2014 season sa PBA nga dunganon pagduwa sa Cebu, Manila ug sa Davao karong Domingo.
Sugdan sa Phone Pals ang ilang kampanya alang sa "Philippine Cup" four-feat batok sa Bolts sa Cebu Coliseum. Ang bag-ong
gikoronahan nga Governor's Cup champion San Mig Coffee Mixers makigsangka sa Barangay Ginebra San Miguel didto sa Smart Araneta
Coliseum, samtang ang Commissioner's Cup king Alaska Aces makigbatok sa Rain or Shine Elasto Painters didto sa University of
Southeastern Philippines (USEP) gym sa Davao City.
"He (Poligrates) called me up informing me that he has already signed a two-year contract with Talk 'N Txt and that he's very
excited to play before his fans here," matud pa ni Van Halen Parmis, coach sa Tagum City-based CM Farm commercial ballclub diin si
Poligrates miduwa kaniadto.
Si Poligrates, ika-27 pick overall sa Talk N' Text atol sa tinuig nga PBA Draft niadtong Nobiyembre 3.
Naila si Poligrates tungod sa iyang pagka-star sa Southwestern University (SWU) Cobras sa CESAFI, apan wala siya magdugay
sa maong liga human siya gisagpa og lifetime ban tungod sa "gross dishonesty."
Si Poligrates niduwa og laing torneyo samtang nagpadayon pa ang CESAFI, usa ka dakung kalapasan sa balaod sa liga. (BANAT NEWS)
- Latest
