Pingris, Lassiter at Cruz may special awards sa PBAPC

MANILA, Philippines - Pararangalan sina Marc Pingris ng San Mig Cof­fee, Marcio Lassiter ng Petron Blaze at Jervy Cruz ng Rain or Shine bukas sa PBA Press Corps’ “A Ban­quet of Heroes” na ini­hahandog ng Meralco sa Wack Wack Golf Club sa Man­daluyong.

Tatanggapin ni Pingris ang Defensive Player of the Year trophy, habang ibi­bigay kay Lassiter ang Bogs Adornado Trophy pa­ra sa Comeback Player of the Year ng PBAPC.

Inungusan ni Cruz, ang dating UAAP MVP para sa Uni­versity of Santo Tomas, si Reynel Hugnatan ng Me­ralco para sa Mr. Quality Minutes award.

Ang formal affair na mag­sisimula sa ganap na alas-7 ng gabi sa Banquet B Hall ay magtatampok sa pag­bibigay ng Coach of the Year at Executive of the Year trophies, ipinangalan kay legendary mentor Baby Da­lupan at sa namayapang si Danny Floro, ayon sa pagkakasunod.

Mga naglalaban para sa Coach of the Year trophy sina Luigi Trillo ng Alaska, Norman Black ng Talk ‘N Text at Tim Cone ng San Mig Coffee, habang paborito namang manalo ang Team PBA para sa Executive of the Year award.

Ikukuwento ni Manny V. Pangilinan, ang Talk ‘N Text at Meralco team owner at presidente ng Samahang Basketbol ng Pilipinas, ang pinagdaanan ng Gilas-Pilipinas para maibalik ang bansa sa World Basketball stage.

Ang mga miyembro ng 1973 at 1986 Asian Bas­ketball Confederation teams na kagaya nina Sam­boy Lim, Tonichi Yturri, Ador­nado, Yoyong Marti­rez, Manny Paner, Jimmy Ma­riano at iba pa ang ma­ga­gawad ng award sa Na­­tionals.