Aegis Vipers miangkon sa Game-1 sa CSCC E-League Finals
CEBU, Philippines - Gidabodabohan sa Aegis Vipers ang ilang karibal Lexmark Stallions, 80-67 aron makauna sa "best-of-three" finals series sa 9th
CSCC E-League basketball tournament niadtong Domingo didto sa City Sports Club-Cebu gym sa Cebu Business Park.
Mahimo na nga langkaton sa Aegis kun moiskor sila og laing daog sa Game-2 nga gikatakda sa Nobiyembre 9 sa alas-2:30 sa
hapon.
Apan ang Aegis kinahanglan mangandam sa sunod nilang duwa tungod kay ang Lexmark seguradong mohimo'g taktika ug
moduwa kutob sa ilang mahimo uban ang paglaum nga modaog aron mainat ang series.
Sa gihapon, ang Aegis mipakita na sab sa ilang teamwork pagpukan sa Lexmark.
Si Steve Warren Navaja mipabuto og 19 puntos ug si Ryan Veloso miratsada og 15 puntos alang sa Aegis nga miposte'g 23-12
paghuman sa unang 10 minutos sa duwa.
Mitakilid ang Aegis sa third quarter, apan nakarekober sa final period aron molansang og 13- puntos nga kadaugan.
Si Dean Junber Escalon mihipos og 14 puntos alang sa Aegis, samtang si Rodulfo Enterina III miabuno'g 11 puntos.
Ang Lexmark gipangulohan ni Jake Pia, kinsa mipabuhagay og 19 puntos.
Si Niel Tiempo miamot og 15 puntos, gisundan ni Franco Angelo Cipriano nga adunay 14 puntos alang sa napildeng Lexmark. (BANAT NEWS)
- Latest
