23RD Cebu City olympics buksan karon

CEBU, Philippines - Dul-an sa 2,000 ka mga atleta gikan sa  nagkadaiyang tunghaan sa Sugbu ang mosalmot sa 23rd Cebu City Olympics nga sugdan karon sa

managlahing bin

 Ang Cebu City Olympics maoy  selection process alang sa mga atleta nga morepresentar sa Sugbu sa Central Visayas Regional

Athletic Association (CVIRAA) Meet.

 Hinuon, ugma pa  ipahigayon ang opening ceremony, apan tulo ka sporting events ang duwaon  karon nga naglakip sa football,

volleyball ug swimming.

 Giuna pagpahigayon ang tulo ka events aron  dili ma-conflict ang iskedyul. Ang ubang mga duwa sugdan sa Huwebes didto sa

Cebu City Sports Center.

 Gawas pa niini, si Department of Education (DepEd)-Cebu City Division sports coordinator Zenaida Gocotano misaysay nga usa

sa rason sa ilang pagpadayon sa duwa karon aron makarekober ug makalimot ang mga student-athletes sa ngil-ad nilang nasinati mugna sa

linog.

 "We want the student-athletes to have their lives back to normal after the earthquake, so we did not postpone the event,"

matud pa ni Gocotano atol sa press conference didto sa CCSC conference hall.

 Sa iyang bahin, si CCSC manager Ricky Ballesteros  mipasalig nga luwas ang mga  atleta nga mosalmot sa Cebu City Olympics. 

 "We will be appointing safety officers to calm down people in case of other tremor.Safety officers will facilitate any emergency

situations,"  matud ni   Ballesteros.

 Mga sporting events nga tigian naglakip sa archery, arnis, athletics, badminton, baseball,   basketball, boxing, chess,

dancesport, gymnastics, karatedo, tennis, scrabble, sipa/sepak takraw, softball, swimming, table tennis, taekwondo ug volleyball.

 Adunay upat ka   demonstration sports nga  ipasundayag  ug kini  mao ang wushu, billiard, futsal ug wrestling.

  Imbes ang medal tally, ang Cebu City Olympics mogamit gihapon og  point system sa pagdeterminar sa mahimong overall

champions.  (BANAT NEWS)