'Beamax' dagan sa New York 5K Run
CEBU, Philippines - Sugbuanang si Bea Katrina 'Beamax' Maximo sa Team Maximo ang gipadala ngadto sa sa prestihiyosong New York Marathon's 5K Run karong adlawa (oras sa Pilipinas) didto sa New York City.
Naila nga NYRR Dash to the Finish Line 5K, ang lumba kabahin sa nabantog na kaayo sa kalibotan nga ING New York Marathon nga molatas sa mga kadalanan sa Manhattan ug matapos sa Central Park.
Ang 21-anyos nga si Beamax, uban sa liboan ka runners manukad sa Hammarskjold Plaza sa 47th street taliwa sa 1st ug 2nd avenues, duol sa United Nations.
"Competitive sports has recently taken a back seat due to my present work in OT but I will give it my best shot. Definitely I will watch and learn from this race and share the experience when I get back home," sumala pa ni Beamax, kinsa usa usab ka sports contributor ning mantalaan.
Usa usab si Beamax sa mga finishers sa 21K Cebu Marathon ug football varsity player sa University of Santo Tomas (UST).
Si Beamax atua karon sa abroad aron mohimo'g Occupational Therapy (OT) practices sa Amerika. Ang batan-ong OT professional ug athlete usa sab ka professor sa Cebu Doctors' University (CDU) ug clinical instructor sa Cebu Doctors' Hospital (CDH).
Ang iyang pagsalmot sa New York Run nahimong posible pinaagi sa suporta ni New York-based Cebuanos nga sila si Dr. ug Rosette Mondejar ug Christina Reynes. (BANAT NEWS)
- Latest
