Cebuano triathletes midaog medalya

 CEBU, Philippines - Amahan ug anak nga si Ritchie ug Aaliyah Ricci Mataragnon mihakot og medalya sa 2013 Hong Kong ITU Triathlon Asia Cup ning bag-o didto sa Hong Kong Disneyland Resort.

 Si Ritchie midaog og bronze medal sa men's 35-39 sprint class, samtang ang iyang anak nga si Aaliyah Ricci, usa ka tinun-an sa Sacred Heart School-Hijas de Jesus misakmit og silver medal sa female 200 class.

 Si Mataragnon, sakop sa Philippine Youth developmental training pool mipuwesto sa  ikaduha sa oras nga 46 minutos ug 55 segundos sunod ni Athina Zodl sa Japan nga mi-oras og 36 minutos ug 08 segundos.

 Uban ni Aaliyah Ricci mao si Ralph Edward So,  kinsa midaog sab og bronze medal sa boys' division sa fun distance.

 Ang managsuong Chiongbian nga sila si Yuan ug Justin ug ingon man managsuong Uy nga sila si Craig Joshua ug Shaia Ruth nasirohan sa maong  kompetisyon. (BANAT NEWS)