Los Demonyos mibuntog sa Eagles sa IBP caging
CEBU, Philippines - Ang Los Demonyos ni Bads del Prado mipahamtang sa Eagles ni Atty. Kit Enriquez sa labing una nilang pilde, 93-90 sa 11th Integrated Bar of the Philippines (IBP) 2013 basketball tournament niadtong Sabado didto sa Capitol Parish gym sa dan Escario, ning dakbayan.
Igo lang mihimo’g 22-21 nga labaw ang Eagles sa opening period gikan sa mga puntos nilang Jun Hiyas ug Ian Santos, apan ang Los Demonyos misukli og 26-14 run pinaagi sa pagtimon nilang Lito Ortiz ug Richard Bauzon aron molabaw og 11 puntos sa halftime, 47- 36.
Padayon nilang giprotektahan sa fourth period hangtod nahuman ang duwa.
Si Bauzon miiskor og 29 puntos, samtang si Ortiz adunay 21 puntos.
Ang Eagles gipangulohan nilang Marvin Miralles ug Ian Santos parehong miposa og 19 puntos.
Sa laing duwa, ang YLAC ni Cris Ang nakaipsot sa Pecandela Law Firm, 54-53 dihang giluwas kini ni Ivans Verallo human niya napasud ang iyang undergoal shot sa nahabiling 1.9 segundos sa duwa.
Silang Van Ligutan ug Boyet Velez nagkumboya'g 28 puntos aron pangulohan ang YLAC.
Mao usab silang Tommy Yu ug Dennis Tenefrancia nagkumboya og 28 puntos alang sa pilderong Pecandela.
Sa laing duwa, ang Pañeros midaog batok sa Primos sa iskor nga 73-59.
Si Michael Molde maoy nangu sa Pañeros sa iyang 17 puntos, gisundan ni Rowell Juban sa iyang 12 puntos.
Ang Primos gipangulohan ni Al Limalima, kinsa miburak og 25 puntos.
Midaog sab ang Super Idols human sab maka-eskapo bitbit ang 71-69 nga kadaugan batok sa Dissenters.
Gipangulohan ni Eugene Sumampong ang Super Idols human moiskor og 17 puntos. Silang Fermin Pepito ug Jason Piquero miabuno'g 12 puntos matag usa.
Sa naandan, si Kenneth Kern Sesante maoy nangu sa Dissenters sa iyang 27 puntos.
PUNTOS MATAG USA
Unang duwa:
DEMONYOS (93) - R. Bauzon 29, Ortiz 21, Flores 12, Bragat 8, Del Prado 6, Riveral 6, E. Bauzon 6, Capahi 5
EAGLES (90) - Santos 19, Miralles 19, Canta 15, Hiyas 14, Pintor 9, Velmonte 7, Lagahit 5, Gimenez 2
Ikaduhang duwa:
YLAC (54) - Ligutan 16, B. Velez 12, Verallo 10, Gealon 6, Ang 6, Hupp 2, Guieb 2
PECANDELA (53) - Yu 16, Tenefrancia 12, Malazarte 10, Tomaodos 8, Godornes 7
Ikatulong duwa:
PAÑEROS (73) - Molde 17, Juban 12, Sojor 11, Ordeniza 10, Balorio 10, Manching 2, Roldan 4, Cabilte 3.
PRIMOS (59) - Limalima 25, Paduga 10, M. Rama 6, En. Rama 5, Ml. Rama 4, Geotina 3, Lopez 2, Roldan 2
- Latest
