MJDL laraw mokulit og 6-0 card

CEBU, Philippines -  Suwayan  sa MJDL Brokers nga mohagdaw sa  ikaunom  nga daog dihang ilang ikasangka ang Rollway-Petracorta sa   1st BOC-CIPU basketball tournament  karong gabii didto sa Benedicto College gym sa dan A.S. Fortuna sa dakbayan sa Mandaue.

 Sa laing duwa, magbagat sab ang Alin Brokers batok sa Ynah Brokers.
 Ang MJDL mao karon ang solo leader sa ilang 5-0 nga baraha, samtang ang Rollway-Petracorta  adunay 4-1 nga baraha.
 Nahunong ang mga duwa sa BOC-CIPU tungod sa nahitabong linog niadtong Oktubre 15 diin naapektohan ang  Bohol ug ingon man ang Sugbu.
 Ang mga duwa matag Martes nga adto unta ipahigayon sa USC North Campus gym, gi-uswag tungod kay wala pay notisya gikan sa mga tagdumala sa gym kun luwas ba kining duwaan. (BANAT NEWS)