Tagaytay paborito sa Asian inter-cities chess tourney

MANILA, Philippines - Dalawang koponan ng Tagaytay ang magiging paborito para sa pagsulong ng Asian Inter-Cities Championships-Dubai Cup ngayon sa Tagaytay International Convention Center.

Pinamumunuan nina Olympian Grandmasters Oliver Barbosa, Mark Paragua, John Paul Gomez at Darwin Laylo, ang Tagaytay 1 ay inaasahang babandera sa nasabing 18-team field kung ang average Elo rating ang pag-uusapan.

Ang Tagaytay 2, binubuo nina veteran GMs Joey Antonio at Eugene Torre at International Masters Ronaldo Nolte at Jan Emmanuel Garcia, ang pumapangalawa kasunod ang Shanghai, China.

Ang fifth players ng Tagaytay 1 at 2 ay papanga-lanan ngayon kasabay ang komposisyon ng Tagaytay 3.

Binabanderahan ni GM Zhou Jianchao, duma- ting ang Team Shanghai kahapon, habang noong Biyernes dumating ang Baghdad, Iraq at Abu Dhabi, UAE.

Magsasali rin ang koponan ng Wuxi, China, pinamumunuan ni GM Wei Yi; ang Ulaanbaatar (Mongolia) ni GM Gundavaa Bayarsaikhan; ang Baghdad (Iraq), Sharjaj (UAE), Shah Alam (Malaysia), Erdenet (Mongolia), Kuwait, Bs Begawan (Brunei), Singapore, Seoul (South Korea), Dubai (UAE), Taipei (Taiwan) at Sri Lanka.

 .