Aegis, Convergys pabiling way pilde

 CEBU, Philippines - Padayong mikubkob og daog ngadto sa lima ang Aegis People Support sa men's ug women's division sa labing unang Spike Sports Volleyball League's Innodata-Skywalkers Cup 2013 didto sa Innodata multi-sport court sa Mandaue City.

 Sa men's action, ang Aegis nakasugat og problema pagpukan sa ePerformax, 25-18, 23-25, 25-16 ug sa Convergys, 33-31, 25-13, 25-21.

 Ang Aegis milahutay sa ilang momentum uban ang kadaugan batok sa EPCIBECC-BPO, 25-13, 25-23, sa Stream 27-17, 25-18 ug sa Lexmark, 25-17, 25-2.

 Ang Innodata kasamtangang nahimutang sa ikaduha bitbit ang 5-1  win-loss card. Midaog ang Innodata batok sa EPCIBECC-BPO, 25-20, 25-15,  sa Accenture, 25-14, 25-18, sa Lexmark, 25-11, 25-19, sa ePerformax, 25-19, 25-12 ug sa Convergys, 27-25, 25-20, apan miyukbo sila ngadto sa Stream, 25-23, 25-18.

 Ang Convergys-TGU  ug CVG-iBanawa nagsawo sa  ikatulo sa managsama nilang 3-2 nga baraha.

 Nagsunod ang ePerformax (3-3), EPCIBECC-BPO ug Stream (2-3),  Accenture (1-4) ug Lexmark nga wala pa makatilaw og daog sa lima ka duwa.

 Sa women's division, ang Aegis People Support maoy nag-una sa standing nga nagbitbit sab og 5-0 nga baraha.

 Ang mga gibiktima sa Aegis naglakip sa Innodata,  25-21, 25-14, ePerformax, 25-24, 25-19, Qualfon, 2523, 25-13, Lexmark, 25-20, 25-17 ug Accenture, 25-22, 25-18.

 Sa ilang  bahin, ang Convergys mikulit og mga daog batok sa EPCIBECC-BPO, 25-11, 25-10, Innodata, 25-21, 25-23, Qualfon, 25-18, 25-18, Lexmark, 25-16, 25-15 ug sa ePerformax, 25-18, 25-12.

 Ang Calltek nagsunod nga adunay 5-1 nga baraha. Ang Calltek mipilde sa Qualfon, ePerformax, EPCIBECC-BPO, Lexmark ug Accenture sa wala pa masugamak sa Innodata, 27-25, 25-17 (BANAT PALARO)