Drag race sa Talisay City gitakda karong Domingo

CEBU, Philippines -  Kapin sa P200,000 nga ganting salapi ang gitagana alang sa mga mananaog sa 1st Mayor JVR Motorcycle Drag Race  karon Domingo didto sa Cebu South coastal road atubangan  sa  Talisay   City Hall.
 Ang usa ka adlaw nga kompetisyon giisip nga labing kulbahinam nga drag race nga mahitabo sa Sugbu karong tuiga tungod sa

presensiya sa mga  tang-ang  riders gikan sa Zamboanga ug Pampanga .
 Ang mga kategoriya nga tigian naglakip sa 52mm stock stroke, 57mm, 59mm, 62mm, open mix and production (pure stock).
 "The idea of doing this race is to give the racers a proper venue and to encourage them to race safely and not doing illegal drag

race that can cause a lot of road accidents," matud pa ni Talisay City Mayor Johnny  'JVR'  Delos Reyes.
 Si   Bryan Renejane, usa sa mga organizers  miingon  nga 100 ka  riders ang gilauman nilang mosalmot sa lumba nga usa sa mga

highlights sa   tinuig nga  kapistahan sa Talisay City pahinungod sa ilang mahal nga patrona Sta.Teresa de Avila.
 Gawas sa lumba,  ipahigayon usab nga motorshow diin ang mga motorcycle enthusiasts moladlad sa ilang mga customized

motorcycle. (BANAT NEWS)