Team Singwangcha BOXERS nanghawod sa siquijor

CEBU, Philippines -  Pulos midaog  sa impresibong paagi ang lima ka boksidor sa Team Singwangcha  sa 1st Congressman Doc Anne Pernes Cup sa

miaging adlaw didto sa Siquijor Capital Square.
 Ubos sa giya sa Sugbuanong trainer nga si Brix Flores sa Noy Pacing Flores stable, sila si Melmark Dignos, Bryan Samson, Joey

Canoy, Ardie Boyose ug Neil John Tabanao  midispatsar  sa   tagsa-tagsa nila ka mga kaatbang.
 Ang kanhi amateur standout nga si Dignos (2-0) maoy unang mihatag og daog sa Team Singwangcha pinaagi sa unanimous

decision   batok ni Jeyseber Abcede (0-1) sa ilang four-round light flyweight showdown.
 Si Samson (4-3, 2KOs) mipakita sa impresibo  niyang labok atubangan  sa iyang katagilungsod dihang iyang gipakatug sa first

round si Jomar Ministerio (5-6, 2KOs).
 Nakuha sa Team Singwangcha ang ikatulo nilang daog human si Canoy (4-0, 3KOs) miiskor og laing knockout nga kadaugan

batok ni Jherald Tuyor (2-15, 1KO) sa ilang minimumweight bout.
 Usa usab ka bangis nga right uppercut ang gibuhian ni Boyose (8-0, 5KOs) nga mitugpa ngadto sa suwang ni Jesse Tuyor (6-

12, 3KOs), kinsa wala na kabangon sa 2:28 sa second round, samtang si Tabanao (5-0, 4KOs) pabilin usab nga walay pilde human  niya

gipilde si Elmar Francisco (16-20, 4KOs).
 Ang maong fight card gipasiugdahan sa Thai boxing patron Naris Singwangcha-Rex 'Wakee' Salud Promotions International

ubos sa suporta sa Rajah Lapu-Lapu Promotions ug provincial government sa Siquijor.  (BANAT NEWS)