Esteban Cmpd. ug Gregorio naka-gordo
CEBU, Philippines - Parehong nakaipsot ang Esteban Compound ug ang Gregorio Nazareth batok sa tagsa-tagsa nila ka kaatbang niadtong Sabado atol sa nagpadayon nga elimination round sa Jonher Espina-SK Friendship Cup -2013 Inter-Sitio basketball tournament didto sa Mormons Open Court sa barangay Maguikay, dakbayan sa Mandaue.
Sa primerong duwa, midaug ang Esteban Compound cagers batok sa sitio Lupa, 35-31 samtang gipatapsingan sa Gregorio Nazareth ang Salvacion, 28-27 sa usa ka low-scoring ballgame.
Mipabuhagay og 11-4 run ang Esteban Compound didto sa fourth period ug ilang giproteksyonan ang ilang gamay nga labaw aron maka-ipsot ngadto sa kuatro puntos nga kadaugan.
Human sa ilang 12-8 nga labaw sa sayong bahin sa opening period, mibawos ang Lupa ug kaugalingon nilang 11-4 run aron molabaw sa halftime, 19-16.
Mao lang kadto'y unang daog sa Esteban Compound sulod sa duha ka duwa alang sa ilang 1-1 nga baraha.
Si Jun Armero maoy nangu sa Esteban Compound sa iyang nuybe puntos samtang ang Lupa gipangulohan ni Bong Pareja kinsa igo lang sab mitunol og siete puntos.
Sa laing duwa, ang jumpshot ni Boy Rondina maoy nagbaswat sa Gregorio Nazareth sa ilang kulbahinam kaayong 28-27 nga kadaugan ug mao sab kadto'y una nilang daog sulod sa duha ka duwa.
Si Val del Castillo maoy nangu sa Gregorio Nazareth sa iyang 10 puntos ug siya lang maoy nakahimo'g double figures sa ilang team.
Ang sitio Salvacion gipangulohan ni Bogs Armenion sa iyang 11 puntos.
Ang maong torneyo gipasiugdahan ni Jojie Espina.
Puntos matag usa:
ESTEBAN (35)- Armero 9, Pilarito 7, B. Ceniza 5, Gello 4, Codiña 4, Adolfo 2, Repuela 2, Caminade 2.
LUPA (31)- Pareja 7, Necessario 6, Englis 5, Perez 4, Espina 3, Gino 2, Pawis 2, Cabañes 2.
Second Game:
G. NAZARETH (28)- Del Castillo 10, Rondina 6, Cortes 6, Pacaña 4, Mag-usara 2.
SALVACION (27)- Armenion 11, Perater 9, B. Mysterio 2, Makiling 2, L. Mysterio 2, Epe 1. (BANAT NEWS)
- Latest
