Gilas ganado sa World Cup
CEBU, Philippines - Mas ganado karon ang Smart Gilas Pilipinas national team paingun sa ilang pagpangandam sa ilang kampaniya sa 2014 World Cup human migawas ang bag-ong ranking sa FIBA diin misaka sila ngadto sa ika-34 nga dapit.
Nasayran nga sa labing uwahing ranking nga gipagawas sa FIBA.com, mikatkat bali'g 11 ka ang-ang ang Smart Gilas Philippine national men’s basketball team sa bag-ong gipagawas nga world rankings sa FIBA.com.
Human sa ilang silver medal finish sa 27th FIBA Asia Championship sa miaging buwan, ang Smart Gilas misaka sa rank 34 gikan sa rank 45.
Tungod niini, si Smart Gilas head coach Chot Reyes miingon nga grabe ang gihatag nga kadasig niini sa mga coaching staff ug players sa national team paingun sa ilang training camp isip pagpangandam sa 2014 FIBA World Cup didto sa Espanya.
Apan gawas sa 2014 World Cup, inspirado usab ang Smart Gilas nga mulampos sa dagkung international tournament nga ilang salmutan sa umaabot nga katuigan lakip na ang 2016 Olympics didto sa Brazil.
“This 11 place jump gives us more impetus to do even better in the next three year cycle. The 2014 Worlds, 2015 FIBA Asia and hopefully 2016 Olympics,†matud pa ni Reyes sa The Philippine Star.
China (rank 12), Iran (rank 20), Lebanon (rank 29), Jordan (rank 30) ug South Korea (rank 31).
Gilauman nga malabwan pa sa Pilipinas ang Lebanon, Jordan ug South Korea depende usab sa ilang ipakita sa 2014 FIBA World Championship. (BANAT NEWS)
- Latest
