Royal Crown, Sapa-Sapa daog
CEBU, Philippines - Gipakita sa Royal Crown ang ilang pagkaharianon human nila gilubong ang team Tropa, 97-75, samtang gilumsan sa Sapa-Sapa
ang Golden Troopers, 59-43 sa 40-above division sa 1st LTHAI Fiesta League niadtong Biyernes sa gabii didto sa CD Seno extension road,
Mandaue City.
Sa first quarter pa lang nakapanimaho na og sayong kadaugan ang Royal Crown human moposte'g 15 puntos nga bentaha, 28-
13 ubos sa pagpangulo ni Reggie Pasaol, kinsa miiskor og 10 puntos paghuman sa maong kuwarter. Miburot pa ang labaw ngadto sa 34
puntos sa final period, 73-39 nga nakapaluya'g maayo sa Tropa.
Si Pasaol mipabuhagay og 26 puntos aron maoy mangulo sa Royal Crown, gisundan ni Junior Catanda sa iyang 21 puntos.
Gipangulohan sab ni Adonis Semblante ang Tropa nga mitusak og 18 puntos. Si Germany Lanawan mitimbre'g 16 puntos,
samtang si Negro Basubas mitikdol og 13 puntos alang sa Tropa nga wala gyud makalabaw gikan sa pagsugod sa duwa.
Sa pasiunang duwa, ang Sapa-Sapa mao sab ang mikontrolar sa kinatibuk-ang duwa batok sa Golden Troopers.
Si Eddie Galensoga maoy topscorer sa Sapa-Sapa nga mihabwa og 12 puntos, sila si Bobong Estrellada ug M. Susa pulos
mihakot og 10 puntos.
Gipasiugdahan nilang Al Sapanta, Osting Bayron ug Neil Manturillas, ang liga gipaluyohan sab sa Tipolo Barangay Council
ubos sa liderato ni Brgy. Capt. Restituto 'Resty' Villanueva ug sa SK nga gipangulohan ni Joy Maries 'Kala' Villanueva. (BANAT NEWS)
PUNTOS MATAG USA
Unang duwa:
SAPA-SAPA (59) - Galensoga 12, Estrellada 10, Susa 10, Opon 8, Sanchez 6, Benolerao 5, Recartel 4, Sapanta 2, Espinosa 2
GOLDEN TROOPERS (43) - Cantay 9, Olidiana 7, J. Dotaro 7, Aballe 6, Montellano 6, O. Dotaro 3, Impas 2, Pasco 2, Navales 1
Ikaduhang duwa:
ROYAL CROWN (97) - Pasaol 26, Catanda 21, Mr. X 11, Opon 10, Benolerao 8, Sacel 8, Coronel 4, Anabieza 4, Pahid 2
- Latest
