MJDL nagsolo na sa liderato
CEBU, Philippines - Padayong mihagdaw og daog ang MJDL Brokers aron magsolo sa liderato sa 3rd Cebu International Port Users (CIPU) basketball tournament.
Ang MJDL ni Mike Logarta yano kaayong milubong sa ROSCAN Lines sa iskor nga 88-66 niadtong Martes didto sa USC North Campus gym sa General Maxilom avenue, ning siyudad.
Hugot nga depensa ug fastbreaks ang gigamit nga hinagiban sa MJDL aron sayong mabiyaan ang ROSCAN ni Roy Canillas.
Sila si Dandan Enriquez ug Bikeng Rollon parehong mihakot og 19 puntos alang sa MJDL. Silang Janus Abellana ug Jaymar
Elloren nagkumboya og 27 puntos alang sa MJDL nga adunay 3-0 win-loss record.
Miiskor og 15 puntos si Jonas Cayanong aron maoy mangu sa ROSCAN, si Dodong Manlosa mitampo'g 11 puntos.
Ang ROSCAN nagbitbit karon og 2-1 nga baraha.
Sa laing duwa, ang Alin Brokers ni team owner Israel Alin mipilde sa PCB Brokers sa iskor nga 63-57 alang sa ilang 1-2 nga baraha.
Silang Ryan Villomo, Ryan Barral ug Herbito maoy nangulo sa kadaugan nga mipupo og 12 puntos matag usa.
PUNTOS MATAG USA
Unang duwa:
MJDL (88) - Enriquez 19, Rollon 19, Abellana 15, Elloren 15, B. Medalle 8, Largosa 5, N.Medalle 2, Marata 2, Game 2, Arreglo 2,
Cal 2
ROSCAN (66) - Cayanong 15, Manlosa 11, Dellosa 9, Villa 9, Singson 8, Sillar 6, Sigue 3, Belarmino 2, Bensi 1
Ikaduhang duwa:
Alin Brokers (63) - Villomo 12, Barral 12, Herbito 12, Alimoren 8, Alin 6, Estorgio 5, Lleve 4, Laurel 4
PCB Brokers (57) - Davila 12, Lim 11, Velasquez 9, Mompar 6, Arevalo 6, Taborada 4, Pangan 2, Baguio 1
- Latest
