SHS-Ateneo intrams sugdan karon

CEBU, Philippines -  Sugdan na ang Sacred Heart School-Ateneo de Cebu (SHS-AdC) Intramurals 2013-2014 karong adlawa didto sa Magis Eagles Arena sa SHS-AdC campus sa Brgy. Canduman,   Mandaue City.
 "Journeying with the Sacred Heart through Excellence in Sports" maoy ilang tema karong tuiga.
 Buksan ang kalihukan sa usa ka parada libot sa ilang campus diin adunay pagahimuon nga cheerdance ug pop dance competitions.
 Ang Grade 7 ug Grade 8 maoy magbangga sa pop dance category, samtang ang Grade 9 ug Grade 10 sa cheerdance.   

 Ang SHS-AdC intramurals migamit og  talagsaong matang sa inter-class sports competition format nga naglakip sa tanang section sa grade levels.
 Ang MAPEH Coordinator nga si Mario Sala nagkanayon nga ang maong format naghatag sa tanan og kahigayonan sa pagsalmot sa kompetisyon alang sa tagsa-tagsa nila ka section.     Ang mga duwa pagahimuon sa tibuok school-year.
 Adunay 33 ka teams ang mosalmot sa high school department nga magtigi sa football, basketball, athletics, table tennis, volleyball, swimming ug chess.